ՀՀ արտակարգ իրավիճակների նախարարության հետ համատեղ «ՍOՍ ՍԻՍԹԵՄՍ» ընկերությունը 2012 թ. ստեղծել և ներդրել է Հայաստանում նախադեպը չունեցող հակահրդեհային շուրջօրյա մոնիթորինգային համակարգ:

Կրակն իր ուրույն տեղն է զբաղեցնում բնության մեջ և, հատկապես, մարդու կյանքում: Մարդիկ վարժեցրել են կրակը, ստիպել ծառայել իրենց: Սակայն, դուրս գալով հսկողությունից, կրակը վերածվում է ահավոր տարերքի, մահաբեր թշնամու՝ ամեն ինչ ոչնչացնելով իր ճանապարհին:

Հրդեհ՝ չվերահսկվող այրում, որը բարոյական, ֆիզիկական, գույքային վնաս է հասցնում անձին, հասարակության և պետության շահերին, վտանգում մարդու առողջությունը և կյանքը («Հրդեհային անվտանգության մասին» ՀՀ օրենքի 3-րդ հոդված)

Միջազգային փորձը ցույց է տալիս, որ հակահրդեհային ծառայությունների արագ արձագանքը հրդեհի ժամանակ չափազանց կարևոր է: Սակայն հաճախ հրդեհի մասին ահազանգն ուշացումով է հասնում հակահրդեհային ծառայություններին:

Մոնիթորինգի խնդիրն է ծխի տարածման մասին ահազանգն ինքնաշխատ ռեժիմում հնարավորինս կարճ ժամանակահատվածում հասցնել ՀՀ ԱԻՆ ճգնաժամային կառավարման կենտրոնի «911» արագ արձագանքման ծառայության վերահսկման վահանակ: Այս համակարգի կիրառմամբ հնարավոր է խուսափել մարդկային զոհերից, ավերածություններից, նվազագույնի հասցնել հրդեհի պատճառած վնասը, ապահովել Ձեր աշխատակիցների և կառույցի անվտանգությունը:

Հակահրդեհային շուրջօրյա մոնիթորինգային համակարգն ապահովում է հակահրդեհային վերահսկում առցանց ռեժիմում, օրը 24 ժամ` ՀՀ ԱԻՆ ճգնաժամային կառավարման կենտրոնի «911» արագ արձագանքման ծառայության միջոցով, ինչպես նաև ինքնաշխատ կանչ հրդեհի դեպքում՝ առանց անձնակազմի միջամտության (տե’ս, սխեմա 1):

Համակարգի օպերատոր «ՍOՍ ՍԻՍԹԵՄՍ» ընկերությունը նորագույն սարքավորումների և պրոֆեսիոնալ անձնակազմի օգնությամբ իրականացնում է շուրջօրյա տեխնիկական ապահովում և հակահրդեհային համակարգի վերահսկում: