Մարտի 9-ին, ժամը 11.48-ին ահազանգ է ստացվել, որ հրդեհ է բռնկվել Երևանի Օստրովսկի փողոցի թիվ 18 տանը:
Դեպքի վայր է մեկնել մեկ մարտական հաշվարկ և ՃԿԿ ԱԻ արձագանքման խումբը:
Հրդեհը մարվել է տեղի ուժերով: Պարզվել է, որ Կարեն Ղուկասյանին պատկանող տանը տեղի է ունեցել գազի արտահոսք՝ պայթյունով, ինչից այրվել են ներքնակ, ծածկոց և հատակը (1 քմ):
Կ.Ղուկասյանը հոսպիտալացվել է «Ճառագայթային բժշկության և այրվածքների գիտական կենտրոն», այնուհետև՝ «Արմենիա» ԲԿ-ի տոկսիկոլոգիական բաժանմունք:
Բժիշկները տուժածի վիճակը գնահատել են բավարար:
