Ապրիլի 4-ին, ժամը 19.32-ին ահազանգ է ստացվել, որ Խուդյակով փողոցում` “Էվրիկա” սուպերմարկետի մոտակայքում այրվում է 3 կգ-ոց գազի բալոն:
Դեպքի վայր է մեկնել մեկ մարտական հաշվարկ:
Պարզվել է, որ Խուդյակով փողոցի թիվ 10 հասցեի մոտակայքում գտնվող երթուղային տաքսիների դիսպետչերական կետում 3 կգ-անոց գազի բալոնից տեղի է ունեցել գազի արտահոսք` հրդեհի բռնկումով:
Հրդեհը մեկուսացվել է ժամը 19.48-ին, մարվել` 19.52-ին:
Գազի արտահոսքի հետևանքով այրվել է դիսպետչերական կետի տաղավարի արտաքին երեսպատումը (5 քմ):
