Հունիսի 30-ին, ժամը 20.56-ին ահազանգ է ստացվել, որ Արարատի մարզի Արգավանդ գյուղի «Մեծ անիվ» ՍՊԸ-ի մոտակայքում այրվում է փայտի արտադրամաս:
Դեպքի վայր է մեկնել ՃԿԿ ԱԻ արձագանքման խումբը և երկու մարտական հաշվարկ:
Պարզվել է, որ հրդեհը բռնկվել է Արգավանդ գյուղի Երկաթգծի 3-րդ փողոցի թիվ 6 տանը կից փայտի արտադրամասում:
Հրդեհը մեկուսացվել է ժամը 21.44-ին, մարվել` 21.55-ին: Ա. Ասատրյանին պատկանող փայտի արտադրամասում այրվել է 10 խմ փայտ և թեփ:
