ՀՀ արտակարգ իրավիճակների նախարարության հետ համատեղ << ՍOՍ ՍԻՍԹԵՄՍ >> ընկերությունը 2012թ. ստեղծել և ներդրել է Հայաստանում նախադեպը չունեցող հակահրդեհային շուրջօրյա մոնիթորինգային համակարգ:
Համակարգի օպերատոր << ՍOՍ ՍԻՍԹԵՄՍ >> ընկերությունը նորագույն սարքավորումների և արհեստավարժ անձնակազմի օգնությամբ իրականացնում է շուրջօրյա տեխնիկական ապահովում և հակահրդեհային համակարգի վերահսկում:
Մոնիթորինգի խնդիրն է ծխի տարածման մասին ահազանգն ինքնաշխատ ռեժիմում հնարավորինս կարճ ժամանակահատվածում հասցնել ՀՀ ԱԻՆ ճգնաժամային կառավարման կենտրոնի <911> արագ արձագանքման ծառայության վերահսկման վահանակ: Այս համակարգի կիրառմամբ հնարավոր է խուսափել մարդկային զոհերից, ավերածություններից, նվազագույնի հասցնել հրդեհի պատճառած վնասը, ապահովել Ձեր աշխատակիցների և կառույցի անվտանգությունը:
Ի դեպ, սարքավորումներից բացի, բջջային հեռախոսի կոճակի մեկ հպումով շուտով հնարավոր կլինի ահազանգը փոխանցել <911> ծառայություն: Ծառայությունում օպերատորը իր մոտ տեղադրված քարտեզի վրա ստանում է ահազանգողի տվյալ պահին գտնվելու կոորդինատները, ինչը հնարավորություն է տալիս ավելի արագ արձագանքել տվյալ դեպքերին: Այսինքն, այլևս հարկ չի լինի զանգահարել 911, փոխարենը՝ բավական կլինի սեղմել բջջային հեռախոսում առկա SOS կոճակը: <911> ծառայությանը դիմելու այս նոր հնարավորությունը հնարավոր է դարձել նոր հավելվածի շնորհիվ, որը ստեղծվել է ՀՀ արտակարգ իրավիճակների նախարարության և << ՍOՍ ՍԻՍԹԵՄՍ >> ընկերության համագործակցության արդյունքում:
Նոր հավելվածը հնարավորություն է տալիս նաև հակառակ գործողությունը կատարել. <911> ծառայությունը ինքը կարող է հաղորդագրության միջոցով Ձեզ տեղեկացնել Ձեր գտնվելու վայրում առաջացած արտակարգ իրավիճակի (հնարավոր բնական աղետներ, գազի արտահոսք և այլն) մասին:
Նոր հավելվածն անվճար է, այն հնարավոր է ներբեռնել Google Play–ից, արտակարգ իրավիճակների նախարարության ինտերնետային կայքից՝ http://www.mes.am/ և << ՍOՍ ՍԻՍԹԵՄՍ >> ընկերության ինտերնետային կայքից :
Ի դեպ, հավելվածից բացի, մեծահասակների, փոքրերի և որոշակի սահմանափակ կարողություններ ունեցող մարդկանց համար ստողծվել է նոր SOS ապարանջան, որը կրկին նույն հնարավորություններն ունի , ինչ հավելվածը:
