Այսօր ժամը 16.02-ին ԱԻՆ ահազանգ է ստացվել, որ Երևանի Եղվարդի խճուղի թիվ 1 շենքի 6-րդ հարկից ծուխ է նկատվում:
Դեպքի վայր է մեկնել երեք մարտական հաշվարկ, ավտոսանդուղք, ՃԿԿ օպերատիվ և արձագանքման խմբերը:
Հրդեհը մեկուսացվել է ժամը 16.20-ին, մարվել 16.33-ին:
ԱԻՆ փրկարար ծառայությունից Panorama.am-ին հայտնեցին, որ այրվել է շենքի 4-րդ հարկի սենյակներից մեկի (չշահագործվող) պատերի և առաստաղի ներքին երեսպատումը և ջերմամեկուսիչ շերտը (մոտ 81 քմ):
Նշենք, որ Երևանի Եղվարդի խճուղի թիվ 1 հասցեում գտնվում է «Արմենիա» հեռուստաընկերությունը:
